काठमाडौं । सञ्चालनमा आएको दुई महिना मैै धरहरा बन्द भएको छ । काठमाडौंको सुन्धारमा रहेको धरहरा असोज ३ गतेदेखि सञ्चालनमा आएको थियो । लिफ्ट बिग्रिएपछि अनिश्चितकालका लागि धरहरा बन्द भएको हो ।
२०७२ को भूकम्पले धरहरा ढालेपछि २०७५ सालदेखि निर्माण थालिएको थियो । निर्माण थालेको ६ वर्षपछि पुरा निर्माण सम्पन्न नहुँदै असोज ३ गते संविधान दिवसको दिन सञ्चालनमा ल्याइएको थियो ।
तत्काल परीक्षणका लागि खुला गरिएको यस धरहरा दैनिक ६०० जना निःशुल्क चढ्न पाउने व्यवस्था गरेको थियो । जसका लागि अनलाइनमार्फत निःशुल्क टिकट बुक गरेर चढ्न पाउने व्यवस्था गरेको थियो ।
बुधवार र सार्वजनिक बिदाको दिनबाहेक धरहरा साँधैका लागि खुला गरिएको फेरी चढ्न पाउनेको सङ्ख्या बढाएर १ हजार ५० पुर्याएको थियो । तर हालसम्म २५ हजार ७ सय ४२ जना धरहरा चढेका छन् ।
