काठमाडौं । काठमाडौंको वायु प्रदूषणमा केही सुधार आएको छ । वायु प्रदूषण मापक आईक्यू एअरका अनुसार काठमाडौं विश्वकै प्रदूषित सहरको आठौं स्थानमा झरेको छ ।
आईक्यू एअरका अनुसार नेपालको वायु प्रदूषण १ सय ६५ एक्यूआई मापन गरिएको छ । बिहीबार काठमाडौं विश्वकै प्रदूषित सहरको छटौं स्थानमा थियो भने १ सय ७० एक्यूआई प्रदूषण मापन गरिएको थियो ।
विश्वकै प्रदूषित सहरमा पाकिस्तानको लाहोर पहिलो स्थानमा यथावत छ । लाहोरको ७ सय ८० एक्यूआई मापन गरिएको छ । आक्यूएअरका अनुसार भारतको दिल्ली दोस्रो स्थानमा छ । दिल्लीको प्रदूषण ७ सय ४९ मापन गरिएको छ । बङ्लादेशको ढाका तेस्रो स्थानमा छ । ढाकाको प्रदूषण २२९ मापन गरिएको छ । भारतको कोलकत्ता पनि १७७ अंकका साथ चौथोमा छ ।
चीनको वुहान १७२ एक्यूआईका साथ पाँचौमा छ । इन्डोनिशियाको जर्काता छैठौंमा छ भने पाकिस्तानको अर्को शहर कराची आठौं, भियतनामको हनोई नवौं र भारतको मुम्बई दशौँमा छन्। लामो समयदेखि पानी नपर्दा काठमाडौंको वायु प्रदूषण खस्कदै गएको हो।
