काठमाडौं । धादिङको गजुरी गाउँपालिका–३ डार्केफाटमा बोलेराले पैदलयात्रुलाई ठक्कर दिंदा एक युवतीको मृत्यु भएको छ । मृत्यु हुनेमा बेनीघाट–२ की १९ वर्षीया अनिता मिजार रहेको जिल्ला प्रहरी कार्यालय धादिङले जनाएकाे छ ।
प्रहरीका अनुसार ताल्तिबाट मलेखु जाँदै गरेको बा२०च १९९९ नम्बरको बोलेरोले मिजारलाई ठक्कर दिएको थियो । उक्त बोलेरोकै ठक्करबाट १६ वर्षीया प्रशंसा मिजार घाइते भएकी छन् ।
चालक गोपी बहादुर ठकुरी र बोलेरो प्रहरीको नियन्त्रणमा रहेको प्रहरीले जनाएकाे छ ।
