काठमाडौं । ट्राफिक प्रहरीले चालु आर्थिक वर्षको छ महिनामा देशभर १० लाख ५२ हजार ५५ विभिन्न सवारी साधनहरुलाई कारबाही गरेको छ । गत साउनदेखि पुस मसान्तसम्म गरिएको कारबाहीबाट ७९ करोड ७१ लाख ४४ हजार ८ सय ५२ रुपैयाँ राजस्व सङ्कलन गरेको प्रहरी प्रधान कार्यालय नक्सालले जनाएको छ ।
राजस्वमध्ये काठमाडौँ उपत्यकाबाट ३२ करोड ३३ लाख ७० हजार रुपैयाँ, कोशी प्रदेशबाट ७ करोड ८७ लाख २ हजार ९ सय ४३ रुपैयाँ, मधेशबाट १० करोड ५ लाख ५८ हजार ९ सय १ रुपैयाँ, बागमतीबाट ७ करोड ८८ लाख ४० हजार रुपैयाँ, गण्डकीबाट ८ करोड १८ लाख ७६ हजार ६ रुपैयाँ, लुम्बिनीबाट ९ करोड ३८ लाख ६४ हजार २ रुपैयाँ, कर्णालीबाट १ करोड ५६ लाख ४५ हजार रुपैयाँ र सुदूरपश्चिम प्रदेशबाट २ करोड ४२ लाख ८८ हजार रुपैयाँ सङकलन भएको केन्द्रीय प्रहरी प्रवक्ता तथा प्रहरी नायब महानिरीक्षक भीमप्रसाद ढकालले राससलाई जानकारी दिए ।
उनका अनुसार ट्रकरट्याङकरबाट१५ करोड १९ लाख ९५ हजार ४ सय रुपैयाँ, बसरमिनिबसबाट ९ करोड २० लाख ५ रुपैयाँ, काररजिपरभ्यानबाट १८ करोड ९० लाख ७६ हजार ८ सय ६ रुपैयाँ, ट्याक्टरबाट २ करोड ८८ लाख १६ हजार रुपैयाँ, मोटरसाइकलबाट ३१ करोड १७ लाख ३४ हजार ५ सय ४६ रुपैयाँ र टेम्पो तथा अन्यबाट २ करोड ५३ लाख २१ हजार ६ सय रुपैयाँ राजश्व सङकलन भएको हो ।
राजश्व रकममध्ये सबै भन्दा बढी काठमाडौँ उपत्यकामा र सबै भन्दा कम कर्णाली प्रदेशमा रहेको केन्द्रीय प्रहरी कार्यालयलको तथ्याङ्कमा उल्लेख छ । मादकपदार्थ सेवन गरेर तथा तीव्र गतीमा सवारी चलाउने, लेन अनुशासन कायम नराख्ने, क्षमताभन्दा बढी यात्रु राख्ने, जथाभावी पार्किङ गर्ने, तोकिएको भन्दा बढी भाडा लिने, आवश्यक कागजात तथा सवारी चालक अनुमति पत्र नभएकालगायतमा कारबाही गरेबापत उक्त रकम राजश्व सङकलन गरिएको प्रनाम ढकालले जानकारी दिए ।
उक्त अवधिमा कारबाहीमा परेका १० लाख ५२ हजार ५५ सवारी साधनमध्ये ट्रकरट्याङकर एक लाख ७० हजार ८ सय ४२ वटा, बसरमिनिबस एक लाख नौ हजार ३७७, काररजिपरभ्यान दुई लाख ६१ हजार ६३६, ट्याक्टर ४१ हजार ६ सय ४१, मोटरसाइकल ४ लाख ३२ हजार ९८ र टेम्पो तथा अन्य ३६ हजार ४ सय ६१ वटा रहेका छन् ।
कारबाहीमा परेका सवारी साधनमध्ये सबै भन्दा बढी मोटरसाइकल रहेको प्रहरी प्रधान कार्यालय नक्सालको तथ्याङकले देखाएको छ ।
(((