सङ्घीय संसद्को बैठक माघ २२ गते आह्वान गर्न सिफारिस

सङ्घीय संसद्को बैठक माघ २२ गते आह्वान गर्न सिफारिस

मंगलवार, माघ ९ २०८०
मंगलवार, माघ ९ २०८०
  • सङ्घीय संसद्को बैठक माघ २२ गते आह्वान गर्न सिफारिस

    काठमाडौँ । सरकारले माघ २२ गते सङ्घीय संसद्को अधिवेशन आह्वानका लागि राष्ट्रपतिसमक्ष सिफारिस गरेको छ । सिंहदरबारमा आज बसेको मन्त्रिपरिषद्को बैठकले माघ २२ गते अपराह्न ४ बजे सङ्घीय संसद्को बैठक आह्वानका लागि राष्ट्रपतिसमक्ष सिफारिस गर्ने निर्णय गरेको थियो ।

    सञ्चार तथा सूचना प्रविधिमन्त्री रेखा शर्माका अनुसार राष्ट्रिय खेलकुद विकास नियमावली, २०७९ को नियमन १६ को उपनियम १० को खण्ड क बमोजिम डा असिम भण्डारीलाई राष्ट्रिय एन्टीडोपिङ एजेन्सीको संयोजक पदमा मनोनयन गरेको छ । 

    बैठकले जापान सरकारबाट कोटेश्वर चौकमा अण्डरपास र फ्लाई ओभर निर्माण गर्न करिब  ३१ अर्ब दुई करोड बराबरको सहुलियतपूर्ण ऋण सहायतासम्बन्धी मस्यौदा सम्झौतालाई अन्तिमरुप दिन जापान सरकारसँग वार्ता गर्न वार्ता टोली गठन गर्ने निर्णय गरेको बताइएको छ । 

    लोकप्रीय
    थप समाचार

    © 2026 All right reserved to doleshwornews.com  | Site By : Sobij