काठमाडौं । कान्तिपुर पब्लिकेशनको सुरक्षा गार्ड मृत अवस्थामा भेटिएका छन् । पब्लिकेशनको कोशी प्रदेशको मोरङमा रहेको कार्यालयमा सुरक्षा गार्ड रहेका सुन्दरहरैचा ९ का ५० वर्षीया बलबहादुर बस्नेत मृत अवस्थामा फेला परेका हुन् ।
उनी झुन्डिएको अवस्थामा मृत भेटिएको मोरङ प्रहरीले जनाएको छ । कोठा भित्रबाट चुक्कुल लगाइएको अवस्थामा कोठाको सिलिङ पङ्खामा झुन्डिएको अवस्थामा शव भेटिएको प्रहरीले बताएको छ ।
बस्नेतलाई पालो दिन आएका साथीले ढोका नखुलेपछि पर्खाल नाघेर हेर्दा झुन्डिएको देखेर प्रहरीलाई खबर गरेका थिए ।