काठमाडौं । काठमाडौं महानगरपालिकाले आफ्नै कार्यालय परिसरमा रहेको एउटा क्यान्टिनलाई ५० हजार रुपैयाँ जरिवाना तिराएको छ । काठमाडौं प्लाजास्थित नारायणी नारायणी चमेना गृहले बासी पकौडा बेचेको भेटिएपछि महानगरको बजार अनुगमन महाशाखाले ५० हजार रुपैयाँ जरिवाना तिराउने निर्णय गरेको हो ।
उक्त चमेना गृहलाई जरिवानास्वरुपको ५० हजार रूपैयाँ सात दिनभित्र महानगरको बजार अनुगमन समितिको खातामा जम्मा गराएर भौचर उपलब्ध गराउन निर्देशन दिइएको छ ।
अनुगमन समितिले उक्त चमेना गृहले बासी पकौडा बेचेको भेट्टाएको थियो । त्यसैगरी खानेकुरा पकाउने तेल कयौँ पटक प्रयोग गरेको भेटिएको पनि महानगरले जनाएको छ ।
