काठमाडौं । प्रहरी प्रधान कार्यालयले नयाँ बानेश्वरस्थित संसद् भवनमा लघुवित्तपीडित प्रवेश गरेको घटनापछि ३२ जना प्रहरीको जिम्मेवारी खोसेको छ । गृहमन्त्री नारायणकाजी श्रेष्ठको निर्देशनमा उनीहरूलाई हटाएर त्यहाँ अर्को प्रहरी समूहलाई पठाइसकेको प्रहरी प्रधान कार्यालयले जनाएको छ ।
त्यहाँ प्रहरीको विशेष कार्यदलका प्रहरी टोली खटाउने गरिएको छ । उनीहरुलाई जिम्मेवारीबाट फिर्ता गरी अन्य टोली खटाइसकिएको हो ।
प्रधान कार्यालयले भने जिम्मेवारी हेरफेर गरेको जनाएको छ । त्यस विषयमा केही अघि गृहमन्त्रालयमा आकस्मिक सुरक्षा बैठक बसेको थियो ।
गृह मन्त्रालयले उक्त विषयमा छानबिन समितिसमेत गठन गरेकाले त्यसको प्रतिवेदन नआउँदासम्म उनीहरुलाई कार्य क्षेत्रमा नखटाइने भएको छ ।