काठमाडौं । वर्षाका कारण गएराति गएको पहिरोले मध्यपहाडी लोकमार्ग अवरुद्ध भएको छ । हलेसी तुवाचुङ नगरपालिका–१ बाहुनीडाँडाामा दुई ठाउँ र ३ च्यास्मिटारमा एक ठाउँ गएको पहिरोले अवरुद्ध भएको हो ।
हलेसी तुवाचुङ नगरपालिकाका अनुसार बाहुनीडाँडाको गोरुमारेमुनि र डौँठेखोला माथि पहिरोले सडक अवरुद्ध भएको छ । त्यस्तै च्यास्मिटारको जोरसिमल नजिक बयक्तमा पहिरो जाँदा यातायात अवरुद्ध भएको छ ।
‘दुवै ठाउँमा राति ११ बजे पहिरो गएपछि सडक अवरुद्ध भएको छ र खुलाउनका लागि नगरपालिकाले दुईतिरबाट गरी दुई वटा डोजर पठाएको छ । पुगेपछि खुलाउने काम सुरु हुने नगरपालिकाले जनाएको छ ।
