काठमाडौं । बाढीपहिरो तथा डुबानबाट ५७ वटा स्वास्थ्य संस्थामा क्षति भएको छ । बिहीबारदेखिको अविरल वर्षाका कारण निम्तिएको विपद्का कारण काभ्रेपलाञ्चोक, सिन्धुपाल्चोक, दोलखा, ललितपुर, भक्तपुर‚ पर्सा, चितवन जिल्लामा रहेका स्थानीय ५७ वटा स्वास्थ्य संस्थामा क्षति पुगेको स्वास्थ्य तथा जनसंख्या मन्त्रालयले जनाएको हो ।
तराईका जिल्लामा केही स्वास्थ्य संस्था सेवा दिनै नसक्ने गरी डुबानमा परेका र दोलखा, ललितपुर लगायतका केही पहाडी जिल्लामा पनि बाढीपहिरोले गर्दा स्वास्थ्य संस्थामा क्षति पुगेको छ ।
बाढी र डुबानमा परेका घाइतेहरूको काठमाडौंको ट्रमा सेन्टर लगायतका स्वास्थ्य संस्थामा निःशुल्क उपचार भइरहेको छ ।
