काठमाडौं । माटोको ढिस्कोमा पुरिएर ताँजाकोट गाउँपालिकाको रोजगार शाखाका प्राविधिकसहित दुई जनाको मृत्यु भएको छ ।
दसैँका लागि सरसफाई गर्न बुधबार बिहान घर लिपपोत गर्नका लागि माटो खन्ने क्रममा ढिस्को खस्दा त्यसमा पुरिएर दुई जनाको मृत्यु भएको हो ।
माथिबाट माटोको ढिस्को खस्दा एक जना घाइते भएका छन् । ताँजाकोट गाउँपालिका– ३ को राम गाउँमा माटोको ढिस्को खस्दा दुई जनाको मृत्यु भएको र एक जना घाइते भएको प्रहरीले जनाएकाे छ । मृत्यु हुनेमा ताँजाकोट गाउँपालिका रोजगार शाखाका २४ वर्षका प्राबिधिक धुर्ब शाही र सोही वडाकी करिव २४ वर्षीया मनसरा मल्ल रहेका छन् ।
त्यसैगरि माटोको ढिस्कोमै पुरिएर सो वडा का वर्ष २६ का लालबहादुर शाही घाइते भएका छन् ।
