काठमाडौं । तारा एयरले पहिलोपटक जनकपुरबाट लुक्ला उडान गरेको छ । पहिलो दिनमै ताराले ७ वटा उडान गरेको हो ।
काठमाडौंमा हवाई उडान चाप भएको र काठमाडौंबाट उडान अनुमति पाउनै मुश्किल भएकोले यात्रुलाई काठमाडौंबाट जनकपुर लगिएको र जनकपुरबाट लुक्ला लगिएको जनाइएको छ ।
जनकपुरबाट यति एयरलाइन्सले लगेको यात्रुलाई तारा एयरले जनकपुरबाट लुक्लामा उडान सेवा दिएको हो । ताराले ३५ जनालाई लुक्ला लगेको छ भने लुक्लाबाट १०५ जना यात्रुलाई जनकपुर ल्याएको हो ।
