काठमाडौं । मकवानपुरको बकैया गाउँपालिका–१० मन्थलीस्थित बागमती नदीको किनारमा ३ वटा शव भेटिएको छ ।
स्थानीयले माछा मार्ने क्रममा शव देखेपछि गाउँपालिकालाई खबर गरेका थिए । त्यहाँ दुई पुरुष र एकजना महिलाको शव रहेको गाउँपालिकाले जनाएको छ ।
शवबारे आफूहरूलाई जानकारी आएको र परीक्षणका लागि काठमाडौं कसरी लैजाने भन्ने विषयमा गृहमन्त्रालयसँग समन्वय भइरहेको जिल्ला प्रशासन कार्यालय मकवानपुरले जनाएको छ ।
बागमती किनारमा भेटिएका ती शव काठमाडौं उपत्यकाबाट बाढीले बगेर आएको हुनसक्ने अनुमान गरिएको छ ।
