काठमाडौं । रघुगङ्गा गाउँपालिकाको दुर्गम गाउँ कुइनेमङ्गले जोड्ने सडक एक सय दिन पछि खुलेको छ ।
गएको असार ८ गते वर्षा सँगै आएको पहिरोले गर्दा रघुगङ्गा गाउँपालिका–७ मनाङमा पहिरो जाँदा गलेश्वर–राखूँ हुँदै कुइनेमङ्गले जाने सडक अवरुद्ध भएको थियो । वर्षाले गर्दा लामो समयसम्म पहिरो पन्छाउन नसकेको भए पनि वर्षा कम हुन थाले पछि सडक खुलाइएको हो ।
कुइनेमङ्गले तथा चिमखोला क्षेत्रमा निर्माणाधीन जलविद्युत् आयोजनाहरूसँग सहकार्य गरेर सडक सञ्चालन गरिएको हो । आयोजनालाई अनुरोध गरेर उनीहरूकै सामग्रीहरू प्रयोग पछि सडक सञ्चालनमा आएको हो ।
