काठमाडौं । काठमाडौं महानगरपालिकाले फुटपाथ विस्तारका लागि भत्काएको पिच टाल्न पुगेका सडक विभागका मजदुर र मेयर बालेन्द्र शाहका समर्थकबीच विवाद भएको छ ।
सोमबार महानगरपालिकाले काटेको उक्त सडक टाल्न सडक विभागको टोली पुगेको थियो । तर नगर प्रहरी पुगेपछि त्यहाँ केहीबेर विवाद सिर्जना भएको छ ।
अहिले नगर प्रहरी र सडक विभागका अधिकारीहरुबीच त्यहीँ छलफल भइरहेको छ ।
मेयर शाहको निर्देशनमा गत जेठ २० गते न्युरोडको सडक काटिएको थियो । जुन काम हुन नदिएपछि मेयर शाहले सांकेतिक रुपमा सडक विभागको गेटमा एक ट्रक फोहोर खन्याएका थिए । त्यसपछि बढ्दै गएको विवाद कार्यापालिका बैठकमा समेत पुगेका थियो ।