सम्पत्ति विवरण नबुझाउने ६ हजार ७ सय ५ जना कर्मचारी कारबाहीमा पर्ने

सम्पत्ति विवरण नबुझाउने ६ हजार ७ सय ५ जना कर्मचारी कारबाहीमा पर्ने

सोमवार, बैशाख ३१ २०८१
सोमवार, बैशाख ३१ २०८१
  • सम्पत्ति विवरण नबुझाउने ६ हजार ७ सय ५ जना कर्मचारी कारबाहीमा पर्ने

    काठमाडौं । राष्ट्रिय सतर्कता केन्द्रले आर्थिक वर्ष २०७९/०८० को सम्पत्ति विवरण अनुगमन प्रतिवेदन अख्तियार दुरुपयोग अनुसन्धान आयोग समक्ष पेश गरेको छ । केन्द्रका सचिव रामआधार साहले सोमवार आयोगका प्रमुख आयुक्त प्रेमप्रसाद राईलाई उक्त प्रतिवेदन बुझाएका हुन् ।

    सार्वजनिक पदमा बहाल रहेको व्यक्तिले भ्रष्टाचार निवारण ऐन, २०५९ को दफा ५० (१) बमोजिम सार्वजनिक पद धारण गरेको मितिले ६० दिन भित्र र त्यस पछि हरेक आर्थिक वर्ष समाप्त भएको ६० दिन भित्र आफ्नो सम्पतिको स्रोत वा निस्सासहितको अद्यावधिक विवरण पेश गर्नुपर्ने हुन्छ । त्यही व्यवस्थाअनुसार तोकिएको म्यादभित्र सम्पत्तिको विवरण पेश नगर्ने सार्वजनिक पद धारण गरेको व्यक्तिलाई भ्रष्टाचार निवारण ऐन, २०५९ को दफा ५० (३) बमोजिम कारबाही गर्ने व्यवस्थासमेत रहेको छ । ६ हजार सात सय पाँच जनाले अझै निर्धारित समयभित्र सम्पत्ति विवरण नबुझाएको आयोगका प्रवक्ता नरहरि घिमिरेले बताए ।

    कुल तीन सय ३३ पेज रहेको सम्पत्ति विवरण अनुगमन प्रतिवेदनमा २०७९/०८० मा संघ, प्रदेश र स्थानीय तहका कुल सात लाख ४६ हजार चार सय ६३ मध्ये सात लाख ३९ हजार सात सय ५८ जना पदाधिकारी तथा कर्मचारीहरूले समयमा सम्पत्ति विवरण बुझाएको उल्लेख छ।

    लोकप्रीय
    थप समाचार

    © 2026 All right reserved to doleshwornews.com  | Site By : Sobij