काठमाडौं । शुक्रबार सुनको मूल्य तोलामै ७ सय रुपैयाँले बढेको छ । बिहीबार प्रतितोला १ लाख ३८ हजार ६ सय रुपैयाँ रहेको छापावाल सुनको मूल्य आज बढेर प्रतितोला १ लाख ३९ हजार ३ सय रुपैयाँ पुगेको हो ।
आज प्रतितोला ७ सय रुपैयाँ बढेसँगै नेपाली बजारमा सुनको मूल्यले नयाँ रेकर्ड कायम गरेको छ । यसअघि बैशाख ४ गते सुनको मूल्य तोलाको १ लाख ३९ हजार २ सय रूपैयाँ कायम हुँदै रेकर्ड कायम गरेको थियो ।
शुक्रबार तेजाबी सुनको मूल्य तोलाको १ लाख ३८ हजार ६ सय ५० रुपैयाँ कायम भएको छ । यस्तै, आज चाँदीको मूल्य भने तोलामा ५ सय रुपैयाँले घटेर प्रतितोला १ हजार ७ सय २० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।