काठमाडौं । काठमाडौँको माइतीघरदेखि बानेश्वरसम्म कायम निषेधित क्षेत्र शनिवारदेखि हटेकाे छ । जिल्ला प्रशासन कार्यालय काठमाडौँले शुक्रवार एक सूचना जारी गर्दै गत फागुन ४ गते लागू गरिएको निषेधाज्ञा हटाएको जानकारी दिएको हो ।
जिल्ला प्रशासन कार्यालय काठमाडौँले जारी गरेको सूचनामा भनिएको छ, “हाललाई सुरक्षा चुनौती विश्लेषण समेतका आधारमा जिल्ला सुरक्षा समिति काठमाडौँको आजको सिफारिशअनुसार माइतीघर मण्डलादेखि बानेश्वर (कृष्ण टावर) सम्मको क्षेत्रलाई २०८१ वैशाख १ गतेदेखि निषेध आदेश कायम नरहने सबैलाई सूचित गरिन्छ।”
यसअघि काठमाडौँका विभिन्न स्थानमा २ महिनासम्मका लागि भन्दै भेला, जुलुस, प्रदर्शन, धर्ना, घेराउ, अनसन सभाजस्ता विरोधका कार्यक्रम नगर्न आदेश जारी गरिएको थियो ।