काठमाडौं । बागमती र नख्खु दोभानबाट ५ टन फोहोर संकलन भएको छ । ललितपुर महानगरपालिकाको १८ नम्बर वडा कार्यालयले बागमती र नख्खुखोला मिलनविन्दु नख्खु दोभानमा सरसफाइ गरेको हो ।
वडाभित्रको नदी सफाइ गर्ने योजना अनुसार वडाअध्यक्ष दामोदर खड्काको नेतृत्वमा वडा कार्यालयले नदी र नदी किनार सफाइ गरेको हो । सफाइ कार्यक्रममा वडा सदस्य गोपाल डंगोल,नेप्सेम्याक, महानगरीय प्रहरी वृत्त वुंगमती, स्थानीय महिना समूह ,बागमती सफाइ महाअभियानको टोलीको उपस्थिति रहेको थियो ।