काठमाडौं । । राष्ट्रिय मानवअधिकार आयोगले मुरारिप्रसाद खरेललाई सचिवका लागि पुनः सिफारिस गरेको छ । हाल आयोगको कायममुकायम सचिव रहेका खरेललाई बढेवाको लागि सिफारिस गरेको थियो ।
तर, प्रधानमन्त्री तथा मन्त्रिपरिषद कार्यालयले प्रक्रिया नमिलेको भन्दै आयोगलाई पुनः सिफारिस गर्न भनेको थियो । प्रधानमन्त्री कार्यालयले बढुवा गर्न अस्वीकार गरेका खरेललाई नै पुनस् आयोगले सिफारिस गरी पठाएको छ।
आयोगलाई प्रधानमन्त्री कार्यालयले सचिव सिफारिस गर्दा पारदर्शी, विवादरहित, योग्यता प्रणालीको अनुकूल र कानुनबमोजिम गर्न भनेको थियो। आयोगको सिफारिस मंगलबार प्रधानमन्त्री कार्यालय पठाउने तयारी छ।
आयोगमा विगत ३४ महिनादेखि सचिव रिक्त छ। कामुको भरमा आयोग चल्दै आएको छ।