भक्तपुर । चाँगुनारायण नगरपालिका-५ त्रिशुलडाँडास्थित सोही नगरपालिका-४ बस्ने ४१ वर्षीय रेल कुमार तामाङको रुद्राक्ष होटलमा जुवातास खेलिरहेको अवस्थामा होटल संचालक तामाङ समेत २० जनालाई सोमबार राति प्रहरीले पक्राउ गरेको छ । जिल्ला प्रहरी परिसर भक्तपुरबाट खटिएको प्रहरीले उनीहरूलाई नगद ६ लाख ७ हजार ५ सय रूपैयाँ र ६ बुक ताससहित पक्राउ गरेको हो ।
अन्य पक्राउ पर्नेमा भक्तपुरका मन ब.थापा, सुमन कासुला, रामेश्वर गौतम र छैकु तामाङ रहेका छन् । त्यस्तै, काभ्रेका दिपेन्द्र थापा, बिध्या सागर ढकाल, सागर नाकलानी, राजु लामा, कैलाश तिमिल्सिना, अर्जुन तामाङ, रबिन थापा, राम कुमार नेपाल, अनिल कुमार मुख्याजु, महेश शाक्य, प्रेम श्रेष्ठ र राम कुमार अधिकारीलाइ पनि प्रहरीले पक्राउ गरेकाे छ ।
त्यस्तै, मकवानपुरका राजु मोक्तान, काठमाडाैंका मणिराम थापा र रामेछापका राम ब.तामाङ पनि हाेटेलबाट पक्राउ परेकाे प्रहरीले जनाएकाे छ ।