काठमाडौं । त्रिशुली नदीमा यात्रुवाहक ट्याक्सी खसेको छ । काठमाडौंबाट गोरखा जाँदै गरेको बा २ झ ४१९६ नम्बरको ट्याक्सी चितवनको इच्छाकामना गाउँपालिका-५ सिमलधारास्थित पृथ्वी राजमार्ग सडकबाट त्रिशुली नदीमा खसेको हो ।
ट्याक्सीमा ५ जना सवार रहेका थिए । दुर्घटनामा चालकसहित पाँचै जनाको मृत्यु भएको जिल्ला प्रहरी कार्यालय चितवनले जनाएकाे छ । मृत्यु हुनेमा एक बालिका, २ पुरूष र २ महिला छन् ।
मृतकहरूको पहिचान खुलाउने प्रयास भइरहेको प्रहरीले जनाएकाे छ ।