काठमाडौं । सुनकोशी नदीमा बेपत्ता भएका सवै बालबालिको शव भेटिएको छ । धाप्लाङ घाटभन्दा केही करिब १ किलोमिटर तल थप ८ वर्षीय चोकलचन्द्र मगर र ११ वर्षीया रेखा मगरको शव उत्रिएको अवस्थामा भेटिएको हो ।
यसअघि मंगलबार ९ वर्षीय रिदम मगरको शव फेला भेटिएको थियो । सवैको शवलाई पोष्टमार्टमका लागि जिल्ला अस्पताल पठाइएको छ ।
उदयपुरको त्रियुगा नगरपालिका वडा नं १४ स्थित धाप्लाङमा आइतबार होली मनाएर पौडी खेल्न गएका ३ बालबालिका सुनकोशी नदीमा बेपत्ता भएका थिए ।