काठमाडौं । नेपाल प्रहरीका चार जना प्रहरी नायव महानिरीक्षक (डिआइजी)लाई अतिरिक्त प्रहरी महानिरीक्षक (एआइजी) पदमा बढुवाका लागि सिफारिस गरिएको छ ।
सिफारिस सूचीमा पहिलो नम्बरमा सुशिलसिंह राठौर, दोस्रोमा उमाप्रसाद चर्तुवेदी, तेस्रोमा हिमालयकुमार श्रेष्ठ र चौथोमा डम्बरबहादुर बिक परेका छन् ।
राठौर आर्थिक प्रशासन तथा प्रबन्ध निर्देशनालय (प्रशासन विभाग) मा कार्यरत छन् भने चर्तुवेदी हाल मधेश प्रदेश प्रहरी प्रमुखको जिम्मेवारी सम्हालिरहेका छन् । त्यस्तै, श्रेष्ठ अख्तियार दुरुपयोग अनुसन्धान आयोगमा कार्यरत छन् भने बिक सुदूरपश्चिम प्रदेश प्रहरी प्रमुखको पदमा रहेका छन् ।
अब हुने मन्त्रिपरिषद् बैठकले एआइजीको नियुक्ति गर्नेछ ।
