काठमाडौं । काठमाडौंको पशुपतिनाथ मन्दिर नजिकैको वनकालीको जंगलमा एक किशोरीको शव फेला परेको छ । सिन्धुली घर भएकी १९ वर्षीया सुस्मिता थापाको शव रुखमा झुण्डिएको अवस्थामा फेला परेको हो ।
बिहान मर्निङ वाकमा जानेहरुले उनको शव देखेर प्रहरीलाई खबर गरेको प्रहरीले जनाएको छ ।
सिन्धुली घर भइ बालुवाखानी कपनमा बस्ने उनी विगत केही दिनदेखि हराइरहेकी थिइन् । केही दिनअघि आफन्तकोमा जान भनी हिँडेकी उनी नभेटिएपछि आफन्तहरुले सामाजिक सञ्जालमा उनको खोजी गरिदिन अपिल गरेका थिए ।
घटनाको थप अनुसन्धान भइरहेको प्रहरीले जनाएको छ ।