काभ्रे । अरनिको राजमार्ग अन्तर्गतको मुख्य वैकल्पिक मार्ग बनेपा–नाला–भक्तपुर सडकखण्डमा रहेको पुण्यमाता खोलाको पुल भाँचिएपछि यातायात पूर्ण रूपमा रोकिएको छ ।
बनेपा नगरपालिका–१ र ४ को सिमानामा पर्ने उक्त पुल रातिको समयमा टुटेको जिल्ला ट्राफिक कार्यालय काभ्रेद्वारा जनाइएको छ । पुल भाँचिएसँगै यात्रु र स्थानीय बासिन्दालाई ओहोरदोहोर गर्न गाह्रो भएको छ भने सवारीसाधनहरू अन्य वैकल्पिक बाटो खोज्न बाध्य भएका छन् ।
धुलिखेल–सुर्यविनायक सडक खण्ड अहिले निर्माणाधीन अवस्थामा रहेकाले त्यसको विकल्पका रूपमा प्रयोग भइरहेको बनेपा–नाला–भक्तपुर मार्गसमेत अवरुद्ध भएपछि अरनिको राजमार्ग नै प्रभावमा परेको हो ।
