काठमाडौं । पर्वतमा गाडी दुर्घटनामा परेको छ। पोखराबाट १२ जना यात्रु बोकेर महाशिला जाँदै गरेको बी ए ए १९९४ नम्बरको स्कार्पियो गाडी दुर्घटनामा परेको हो।
बुधबार राति १० बजे फलेवास नगरपालिका र महाशिला गाउँपालिका–५ मा लंखुमा गाडी दुर्घटनामा परेको प्रहरीले जनाएको छ । उक्त दुर्घटनामा परि १० जना घाइते भएका छन् । घाइते भएकाहरूको जिल्ला अस्पताल कुस्मा उपचार गरिएका ५ जना डिस्चार्ज भइसकेका छन्। ५ जनाको थप उपचार गर्न पोखरा रिफर गरिएको छ।
घाइतेमध्ये चालकको अवस्था गम्भीर प्रहरीले जनाएको छ । सडक निर्माण गर्न त्यहाँ ढुंगाहरू छापिएका छन्। बाटो अप्ठारो भएकै कारण गाडी दुर्घटनामा परेको प्रहरी अनुमान छ।
