काठमाडौं । सरकारले ६३ जना सहसचिवको सरुवा गरेको छ । बिहीबार साँझ बसेको मन्त्रिपरिषद् बैठकले उनीहरूको सरुवा गर्ने निर्णय गरेको हो ।
आठ जना सहसचिव अर्थ मन्त्रालयमा सरुवा भएका छन् भने चार जना परराष्ट्र मन्त्रालय र पाँच जना प्रधानमन्त्री तथा मन्त्रिपरिषद्को कार्यालयमा सरुवा गरिएको छ ।
प्राप्त विवरण अनुशार अर्थ मन्त्रालय आउने सहसचिवहरूमा संस्कृति, पर्यटन तथा सहकारी मन्त्रालयका प्रदेश सचिव हरिशरण पुडासैनी, राष्ट्रिय योजना आयोगका महेश भट्टराई, संघीय मामिला तथा सामान्य प्रशासन मन्त्रालय(अतिरिक्त)का दीपक लामिछाने, लोक सेवा आयोगका गोपीकृष्ण कोइराला, मुख्यमन्त्री तथा मन्त्रिपरिषद्को कार्यालय, गण्डकीका यमुना प्रधान, आर्थिक मामिला तथा योजना मन्त्रालय, कोशी प्रदेशका श्याम प्रसाद भण्डारी, श्रम, रोजगार तथा सामाजिक सुरक्षा मन्त्रालयका मदन दाहाल र संघीय मामिला तथा सामान्य प्रशासन मन्त्रालयको अतिरिक्त समूहकी कविता रेग्मी रहेका छन् ।
यसैगरी महावाणिज्य दूतका लागि चार जनाको परराष्ट्र मन्त्रालयमा सरुवा गरिएको छ । कलकत्ता, बेइजिङ, ग्वान्जाओ र ल्हासामा रिक्त महावाणिज्य दूतका लागि गृह मन्त्रालयका सहसचिव झक्क प्रसाद आचार्य, उद्योग, वाणिज्य तथा आपूर्ति मन्त्रालयका सहसचिव लक्ष्मी प्रसाद निरौला, संघीय मामिला तथा सामान्य प्रशासन मन्त्रालय(अतिरिक्त) का विन्देश्वर प्रसाद लेखक र गृह मन्त्रालयकै सहसचिव भरत खनाललाई सरुवा गरिएको छ ।
यस्तै प्रधानमन्त्री तथा मन्त्रिपरिषद्को कार्यालयमा आउने सहसचिवहरूमा उद्योग, वाणिज्य तथा आपूर्ति मन्त्रालयका सहसचिव चण्डी प्रसाद घिमिरे, संघीय मामिला तथा सामान्य प्रशासन मन्त्रालय(अतिरिक्त समूह)की सहसचिव कृष्ण कुमारी श्रेष्ठ, राष्ट्रिय योजना आयोगका सहसचिव यमलाल भुषाल, स्वास्थ्य तथा जनसङ्ख्या मन्त्रालयका सहसचिव विनोद बहादुर कुँवर र संघीय मामिला तथा सामान्य प्रशासन मन्त्रालयका सहसचिव सुमन दाहाल रहेका छन् ।
सरुवा गरिएका अन्य सहसचिवहरूमा आन्तरिक राजश्व विभागका महानिर्देशक शिवलाल तिवारीलाई प्रदेश प्रमुखको कार्यालय कर्णाली प्रदेश, भन्सार विभागका महानिर्देशक ढुण्डी प्रसाद निरौलालाई स्वास्थ्य तथा जनसङ्ख्या मन्त्रालय, अर्थ मन्त्रालयका नरेन्द्र कुमार रानालाई लोक सेवा आयोग, महालेखा नियन्त्रकको कार्यालयका नारायण प्रसाद सापकोटालाई निर्वाचन आयोग, अर्थ मन्त्रालयका टोक राज पाण्डेलाई गृह मन्त्रालय, रितेश कुमार शाक्य र टंक प्रसाद पाण्डेलाई संघीय मामिला तथा सामान्य प्रशासन मन्त्रालयको अतिरिक्त समूहमा सरुवा गरिएको छ ।
प्राप्त विवरण अनुशार भन्सार विभागका उपमहानिर्देशक राम कुमार महतोलाई लोक सेवा आयोग, भौतिक पूर्वाधार तथा यातायात मन्त्रालयका बाबुराम गौतमलाई मुख्यमन्त्री तथा मन्त्रिपरिषद्को कार्यालय, गण्डकी प्रदेश, राष्ट्रपति कार्यालयका कृष्ण प्रसाद लम्साललाई गृह मन्त्रालय, प्रधानमन्त्री तथा मन्त्रिपरिषद्को कार्यालयका खोमराज कोइरालालाई राष्ट्रिय योजना आयोग, मुख्यमन्त्री तथा मन्त्रिपरिषद्को कार्यालय बागमती प्रदेशकी प्रदेश सचिव हुमकला पाण्डेलाई उद्योग, वाणिज्य तथा आपूर्ति मन्त्रालयमा सरुवा भएको छ ।
सामाजिक विकास मन्त्रालयका कोशी प्रदेशका प्रदेश सचिव लक्ष्मी प्रसाद भट्टराईको शिक्षा, विज्ञान तथा प्रविधि मन्त्रालय, प्रदेश लोक सेवा आयोग, बागमती प्रदेशकी प्रदेश सचिव नीता पोखरेल अर्यालको निर्वाचन आयोग, संघीय मामिला तथा सामान्य प्रशासन मन्त्रालयका डा.नारायण प्रसाद रेग्मीको संस्कृति, पर्यटन तथा नागरिक उड्डयन मन्त्रालय, राजश्व अनुसन्धान विभागका महानिर्देशक चक्र बहादुर बुढाको सुरक्षा परिषद्, प्रधानमन्त्री तथा मन्त्रिपरिषद्को कार्यालयका अर्जुन भण्डारीको मुख्यमन्त्री तथा मन्त्रिपरिषद्को कार्यालय सुदूरपश्चिम प्रदेशमा सरुवा भएको छ ।
त्यस्तै केही महिना परराष्ट्रमा हाजिर गरेका नवराज ढुंगानालाई प्रदेश प्रमुखको कार्यालय, सुदूर पश्चिम प्रदेश र नारायण प्रसाद भट्टलाई सतर्कता केन्द्रमा सरुवा गरिएको छ भने रक्षा मन्त्रालयका सहसचिव लीला प्रसाद शर्मालाई गृह मन्त्रालय, महिला, बालबालिका तथा ज्येष्ठ नागरिक मन्त्रालयका सहसचिव पुष्कर न्यौपानेलाई प्रदेश प्रमुखको कार्यालय कोशी प्रदेश र संघीय मामिला तथा सामान्य प्रशासन मन्त्रालयको अतिरिक्त समूहका रहेका शंकर नेपाललाई मुख्यमन्त्री तथा मन्त्रिपरिषद्को कार्यालय कोशीमा सरुवा गरिएको छ ।
संस्कृति पर्यटन तथा नागरिक उड्डयन मन्त्रालयका सहसचिव हेमराज तामाङलाई मुख्यमन्त्री तथा मन्त्रिपरिषद्को कार्यालय कोशी प्रदेश, पर्यटन विभागका महानिर्देशक रुद्र प्रसाद पण्डितलाई राष्ट्रिय योजना आयोग, वैदेशिक रोजगार कार्यालयका रामकृष्ण लामिछानेलाई संस्कृति, पर्यटन तथा नागरिक उड्डयन मन्त्रालय, सम्पत्ति शुद्धीकरण अनुसन्धान विभागका महानिर्देशक कमल प्रसाद भट्टराईलाई राष्ट्रिय सूचना आयोग, गृह मन्त्रालयका सूर्य बहादुर खत्रीलाई श्रम, रोजगार तथा सामाजिक सुरक्षा मन्त्रालय, संघीय मामिला तथा सामान्य प्रशासन मन्त्रालयको अतिरिक्त समूहमा दरबन्दी रही राष्ट्रिय सुरक्षा परिषद्को सचिवालयमा काजमा रहेका प्रदीप कुमार कोइरालालाई श्रम, रोजगार तथा सामाजिक सुरक्षा मन्त्रालयमा सरुवा भएको छ ।
यस्तै परराष्ट्र मन्त्रालयका ईश्वरराज पौडेललाई मुख्यमन्त्री तथा मन्त्रिपरिषद्को कार्यालय बागमती प्रदेशको प्रदेश सचिव, मुख्यमन्त्री तथा मन्त्रिपरिषद्को कार्यालय लुम्बिनी प्रदेशका प्रदेश सचिव निराजन घिमिरेलाई राष्ट्रपति कार्यालय, प्रधानमन्त्री तथा मन्त्रिपरिषद्को कार्यालयका पुष्पराज शाहीलाई मुख्यमन्त्री तथा मन्त्रिपरिषद्को कार्यालय कर्णाली प्रदेश, महिला, बालबालिका तथा ज्येष्ठ नागरिक मन्त्रालयकी सहसचिव चन्द्रकला पौडेललाई भौतिक पूर्वाधार तथा यातायात व्यवस्था मन्त्रालय, श्रम, रोजगार तथा सामाजिक सुरक्षा मन्त्रालयका सहसचिव दीपक नेपाललाई महिला, बालबालिका तथा ज्येष्ठ नागरिक मन्त्रालय र संघीय मामिला तथा सामान्य प्रशासन मन्त्रालयको अतिरिक्त समूहमा रहेका प्रकाश दाहाललाई सोही मन्त्रालयमा सरुवा गरिएको छ ।
संघीय मामिला तथा सामान्य प्रशासन मन्त्रालयको अतिरिक्त समूहमा रहेका राजेश्वर ज्ञवालीलाई राष्ट्रिय योजना आयोग वा खानेपानी मन्त्रालय, प्रदेश लोक सेवा आयोग गण्डकी प्रदेशका प्रदेश सचिव ऋषिराम तिवारी गृह मन्त्रालय, निर्वाचन आयोगका सहसचिव रमेश ढकाल गृह मन्त्रालय, गृह मन्त्रालयका भूपेन्द्र थापा मुख्यमन्त्री तथा मन्त्रिपरिषद्को कार्यालय, बागमती प्रदेश, मुख्यमन्त्री तथा मन्त्रिपरिषद्को कार्यालय सुदूरपश्चिम प्रदेशका शिवराम पोखरेललाई उद्योग, वाणिज्य तथा आपूर्ति मन्त्रालय, निर्वाचन आयोगका रघुराम विष्टलाई मुख्यमन्त्री तथा मन्त्रिपरिषद्को कार्यालय गण्डकी प्रदेश, हुलाक सेवा विभागका ज्ञानहरि घिमिरेलाई महिला, बालबालिका तथा ज्येष्ठ नागरिक मन्त्रालयमा सरुवा गरिएको छ ।
