काठमाडौं । डोटीमा यात्रुबाहक बस दुर्घटना हुँदा १६ जना घाइते भएका छन् । बसमा सवार सबै यात्रु घाइते भएको जिल्ला प्रहरी कार्यालय, डोटीले जनाएकाे छ ।
धनगढीबाट दिपायल जाँदै गरेको शैलेश्वरी यातायातको ना५ख ४४५१ नम्बरको बस समूहगाडमा शुक्रवार बिहान ५ बजेतिर दुर्घटनामा परेको हो ।
दुर्घटनामा परी कोही पनि गम्भीर घाइते नभएको प्रहरीले जनाएकाे छ । घाइतेहरूको उद्धार गरिएको र अहिले राजपुरस्थित सुजङ अस्पतालमा उपचार भइरहेको छ । दुर्घटनाको कारणबारे अनुसन्धान भइरहेको छ ।
