काठमाडौं । सिन्धुलीमा आज बिहान बोलेरो दुर्घटनामा २ जनाको मृत्यु भएको छ । दुर्घटनामा सिन्धुलीकै गोलन्जोर गाउँपालिका- ६ निवासी करिब ४० वर्षीय पृथ्वी भुजेल र ४२ वर्षीय उदय मगरकाे मृत्यु भएकाे जिल्ला प्रहरी कार्यालय सिन्धुलीले जनाएकाे छ ।
सिन्धुलीकै तीनकन्याबाट सदरमुकामतर्फ आउँदै गरेको बा २० च ८२८३ नम्बरको बोलेरो बिहीबार बिहान ९:२० बजे वीपी राजमार्गमा पर्ने कमलामाई नगरपालिका- ४ मा सडकबाट तल खसेर दुर्घटना भएको हो ।
गम्भीर घाइते हिमाल परियार र पवन मस्रांगीलाई पनि धुलिखेल पठाउने तयारी भइरहेको प्रहरीले जनाएकाे छ । बाँकी ९ जना घाइतेको अवस्था भने सामान्य रहेको छ ।
घाइतेमध्ये धेरैको सिन्धुली जिल्ला अस्पतालमा उपचार भइरहेको छ । घाइते अधिकांश गाेलन्जाेरकै स्थानीय बासिन्दा हुन् ।
