काठमाडौं । सरकारले सत्य निरुपण तथा मेलमिलाप आयोगको कार्यावधि एक वर्षका लागि थप गरेको छ । सोमबार कानून, न्याय तथा संसदीय मामिला मन्त्रालयले राजपत्रमा सूचना प्रकाशित गर्दै आयोगको कार्य अवधि एक वर्षका लागि थप गरिएको जनाएको हो । 

आयोगको कार्यअवधि २०८१ असार ३१ गतेसम्म मात्र थियो । हिजो नै राजपत्रमा सूचना प्रकाशित गरि सरकारले आयोगको कार्यावधि यस आर्थिक वर्षको अन्तिम अर्थात् २०८२ असार मसान्तसम्मका लागि थप गरेको हो ।