काठमाडौं । ललितपुर महानगरपालिकाले बालकुमारी क्षेत्रको सुकुमबासी बस्ती हटाएको छ । आइतबार विहान महानगरको नगर प्रहरी बलले बालकुमारी क्षेत्रको सुकुमबासी बस्ती हटाएको हो ।
महानगरले यसभन्दा अघि असार २१ गते सो क्षेत्रका घरहरु ७ दिन भित्र खाली गर्न निर्देशन दिएको थियो । सुकुमबासी बस्ती खाली गराउन पूर्व सूचना दिइए पनि उनीहरूले अटेर गरी बसेकाले नगरप्रहरीले बाध्य भएर बिहान खाली गराएको महानगरले जनाएको छ ।
त्यहाँका ९ वटा घर, टहरा निर्माण गरेर बसिरहेका बस्ती हटाइएको छ । उनीहरू करिब २५ वर्षदेखि महानगरको जग्गा हडपेर बसेका थिए ।
