काठमाडौं । काठमाडौं महानगरपालिकाको आगामी आर्थिक वर्षको नीति तथा कार्यक्रम र बजेट पास भएको छ ।
मंगलबार राष्ट्रियसभा गृहमा बसेको १५औँ नगरसभाको पाँचौँ बैठकमा मेयर बालेन शाहले आर्थिक वर्ष २०८१/०८२ को संशोधित नीति तथा कार्यक्रम र बजेट पेस गरेका थिए ।
उक्त संशोधित नीति तथा कार्यक्रम र बजेट नगरसभा सदस्यहरूले सर्वसम्मत पास गरेका हुन् । नीति तथा कार्यक्रममा तीन वडाध्यक्षले राखेका संशोधन प्रस्ताव समेटिएकाे छ ।
