काठमाडौं । दाङको राप्ती नदीमा आएको बाढीमा फसेका दुई जनाको सकुशल उद्धार गरिएको छ । त्यसमध्ये एक जना बेपत्ता भएका छन् । शनिबार लमही नगरपालिका ७ हस्नापुरस्थित राप्तीको बाढीमा फसेका दुई जनाको सकुशल उद्धार गरिएको छ भने एक जना बेपत्ता भएका छन ।
दूध बिक्री गर्न लमही गएका तीनजना मध्ये राजपुर गाउँपालिका २ का १८ वर्षीय राजकुमार यादव फर्किने क्रममा बाढीमा बगेर बेपत्ता भएको प्रहरीले जनाएको छ ।
सशस्त्र प्रहरी बल ४१ नम्बर रिजर्भ गण अर्जुनखोलाबाट खटिएका सुरक्षाकर्मीले राजपुर २ निवासी ४८ वर्षीय तुलाराम यादव र ४० वर्षीय दयाराम यादवको उद्धार गरेका प्रहरीले जनाएको छ ।
