काठमाडौं । राष्ट्रिय स्वतन्त्र पार्टी (रास्वपा)ले महामन्त्री मुकुल ढकाललाई निलम्बन गर्ने निर्णय गरेको छ । पार्टी अनुशासन आयोगको सिफारिसमा बुधबार केन्द्रीय समितिको बैठकले ढकाललाई निलम्बन गरेको हो ।
महामन्त्री मुकुल ढकाललाई एक साताका लागि निलम्बन गर्ने निर्णय भएसँगै कार्यवाहक महामन्त्रीको जिम्मेवारी बुर्लाकोटीलाई दिइएको हो । कार्यवाहक प्रवक्ताको जिम्मेवारी मनीष झालाई तोकिएको छ ।
पार्टी अनुशासन आयोगको सिफारिसमा बुधबार केन्द्रीय समितिको बैठकले महामन्त्री ढकाललाई एक साताका लागि निलम्बन गरेको हो । अनुशासन आयोगको बैठकले ढकाललाई कारबाहीको लागि सिफारिस गरेपछि उनी निलम्बित भएका हुन् । बैठकबाहिर निस्केर मिडियासँग पार्टीविरुद्ध बोलेको भन्दै पार्टीले ढकालमाथि कारबाही गरेको हाे ।
महामन्त्री ढकाल बुधबारको बैठकमा मुखमा मास्क र कालो टेप लगाएर पुगेका थिए । बैठकमा बोल्ने ५२ मध्ये ५० केन्द्रीय सदस्यले महामन्त्री ढकालकाे विराेध गरेका थिए ।
