काठमाडौं । अख्तियार दुरुपयोग अनुसन्धान आयोगले टेकबहादुर गुरुङविरुद्धको भ्रष्टाचार मुद्दामा भएको फैसला पुनरावलोकनको माग गरेको छ । सर्वोच्च अदालतबाट भएको फैसला सोमबार पुनरावलोकनको माग गरिएको आयोगका प्रवक्ता नरहरि घिमिरेले जानकारी दिए ।
भृकुटीमण्डपस्थित फनपार्कको जग्गा सस्तोमा भाडामा दिएर भ्रष्टाचार गरेको अभियोगमा अख्तियार दुरुपयोग अनुसन्धान आयोगले गुरुङविरुद्ध २०७५ माघ १२ गते मुद्दा दायर गरेको थियो ।
भ्रष्टाचार मुद्दा लागेका सांसद गुरुङलाई संसद् सचिवालयले २०७९ पुस १२ गते निलम्बन गरेको थियो ।
तर सर्वोच्च अदालतले २०८० चैत १६ गते उनलाई सफाइ दिएपछि संसद् सचिवालयले २०८१ वैशाख १२ गते उनीविरुद्धको निलम्बन फुकुवा गरेको थियो ।
