काठमाडौं । यस वर्षको माध्यमिक शिक्षा परीक्षा (एसइई)को नतिजा आज सार्वजनिक हुने भएको छ । राष्ट्रिय परीक्षा बोर्डले हिजाे नै प्रकाशन गर्ने भनिएको नतिजा विभिन्न प्राविधिक समस्याका कारण आज सार्वजनिक गर्ने भएको हो ।
राष्ट्रिय परीक्षा बोर्डले बिहीबार बिहान ८ बजे बाेर्डकाे वैठक बस्ने र ९ बजे नतिजा सार्वजनिक गर्ने जनाएको छ । यसका लागि सम्पूर्ण तयारी पुरा भइसकेको परीक्षा नियन्त्रण कार्यालयले जनाएको छ ।
गत चैत १५ गते सुरु भएको एसइईमा नियमिततर्फ चार लाख ६७ हजार र ग्रेड वृद्धितर्फ २१ हजार परीक्षार्थी सहभागी भएका थिए ।
