काठमाडौं । नयाँ बानेश्वरस्थित संघीय संसद् भवनको सुरक्षार्थ खटिएका एक प्रहरी जवान संसद भवनभित्रै गोली लागेको अवस्थामा मृत फेला परेका छन् । दोलखा घर भएका नेपाल प्रहरी जवानअजित गोले गोली लागेको अवस्थामा आज बिहान शौचालयभित्र मृत फेला परेका हुन् । नेपाल प्रहरीका प्रवक्ता दानबहादुर कार्कीले गोले मृत फेला परेकाे घटनाबारे थप अध्ययन भइरहेकाे बताए ।
शौचालयमा गोली चलेको आवाज सुनेपछि गएर हेर्दा गाेलेकाे घट्नास्थलमै मृत्युु भएकाे बताइएको छ । गाेलेले आत्महत्या गरेको हुनसक्ने प्रहरीले जनाएकाे छ । उनले इन्सास राइफलबाट आफैंले निधारमा गाेली चलाएकाे हुनसक्ने प्रहरीको प्रारम्भिक अनुसन्धानबाट खुलेकाे छ ।
प्रहरीले उनका साथीहरुसँग घटना हुनुभन्दा अगाडिको अवस्थाबारे बुझ्ने काम गरिराखेको छ । गोलेको शव परिक्षणका लागि सिभिल अस्पतालमा लगिएको छ ।
