काठमाडौं । नक्कली लाइसेन्स प्रकरणमा थप दुई जना पक्राउ परेका छन् । बुधबार इलाका प्रहरी कार्यालय सल्यानमा कार्यरत कम्प्युटर अपरेटर गणेश भण्डारी र बिहीबार काठमाडौंको यातायात व्यवस्था विभागमा कार्यरत कर्मचारी दीपा न्यौपानेलाई केन्द्रीय अनुसन्धान ब्यूरो (सीआईबी)ले पक्राउ गरेको हो ।
योसँगै नक्कली लाइसेन्स प्रकरणमा पक्राउ पर्नेको संख्या ११ पुगेको सीआईबीले जनाएको छ ।
यसअघि पक्राउ परेका आईटी इन्जिनियर सुरजप्रकाश अर्याल, इन्जिनियर हरिश भट्ट, शाखा अधिकृत नारायणप्रसाद पाण्डे, लाजरस सुनुवार, प्रदीप सुनार, अजित मिश्र, मिलन बाँस्तोला, बसन्त पाण्डे र बिर्जुकुमार चौधरी प्रहरीको हिरासतमा छन् ।
यातायात व्यवस्था विभाग र यस मातहत कार्यालयमार्फत अनधिकृत रूपमा सवारी लाइसेन्स जारी हुने गरेको भन्ने गुनासोको आधारमा विभागले अध्ययन थालेको थियो।