काठमाडौं । पृथ्वी राजमार्गमा आज दिउँसो दुई घण्टा सवारी आवागमन बन्द हुने भएको छ । पृथ्वी राजमार्गको मझिमटार खण्डमा आज मंगलबार बिहान ९ बजेदेखि ११ बजेसम्म सवारी आवागमन बन्द हुने भएको हो ।
जिल्ला प्रशासन कार्यालय धादिङका अनुसार, बेनीघाट रोराङ गाउँपालिका–९, मझिमटारमा आकाशे पुल निर्माण तथा सडक स्तरोन्नति कार्यका लागि सवारी आवागमन बन्द गर्न लागिएको हो ।
यसअघि सोही कार्यका लागि सोमबार तीन घण्टा सवारी आवागमन बन्द गरिएको थियो । सोमबार काम नसकिएकाले आज पुनः सवारी आवागमन बन्द गर्न लागिएको जिल्ला प्रशासन कार्यालयले जनाएको छ ।
