काठमाडौँ । नेकपा माओवादी केन्द्रका उपमहासचिव जनार्दन शर्माले अध्यक्ष पुष्पकमल दाहाल ‘प्रचण्ड’को राजीनामा मागेका छन् ।
जेन जेड आन्दोलनले पुराना पार्टी र तिनको नेतृत्वको औचित्य नै नरहेको भन्दै पुनर्गठनको बहस चलिरहेका बेला शर्माले ‘प्रचण्ड’को राजीनामा मागेका हुन् ।
पार्टीभित्र केही समयदेखि रूपान्तरणको कुरा गर्दै आएका शर्मा जेन जेड आन्दोलनपछि नेतृत्वको औचित्य नरहेको निष्कर्षमा पुगेका हुन् ।
जेन जेड युवा आन्दोलनले सकारात्मक सन्देश दिएकाले पार्टी नेतृत्व अब परिवर्तन हुनुपर्ने उनको धारणा छ ।
यस विषयमा उनले पार्टी पङ्क्तिमा छलफल समेत चलाउन सुरु गरेका छन् ।
