काठमाडौं । धादिङको धुनिबेसी नगरपालिका वडा नम्बर ९ स्थित झ्याप्ले खोलामा सडकमाथिबाट खसेको पहिरोमा पुरिएका ३५ जनाको शव भेटिएको छ । शनिबार १४ जनाको शव फेला परेकामा बाँकी शव आइतबार फेला परेको हो ।
पहिरोमा परेकाहरुको अहिलेपनि उद्धार कार्य जारी रहेको र २६ शव पोस्टमार्टमका लागि त्रिवि शिक्षण अस्पताल पठाइएको छ ।
जाममा रहेको बेलामा माथिबाट एक्कासी पहिरो खस्दा कति गाडी पुरिएका छन् भन्ने भने यकिन भइसकेको छैन । अहिलेसम्म पहिरोमा पुरिएका माइक्रो बस र बस भेटिएको छ ।
पहिरोमा अझै केही व्यक्ति पुरिएको हुनसक्ने प्रहरीको आशंका छ । अहिले सुरक्षाकर्मीको टोलीले खोजी गरिरहेको छ ।
