काठमाडौं । मकवानपुर सिस्नेरीमा रहेको अखिल नेपाल फुटबल संघ (एन्फा) एकेडेमीका पाँच विद्यार्थी पहिरोमा पुरिएका छन् ।
बिहीबार देखि अविरल वर्षाका कारण कुलेखानीको ड्याम खोलेपछि सुरक्षित स्थानतर्फ जाने क्रममा पहिरोमा परेका हुन् ।
कुलेखानीको पानी ओभर फ्लो भएपछि पाँच विद्यार्थीले छोटो बाटो रोजेर हिडेका थिए । उनीहरू नै हिलो माटोमा परेका हुन् ।
हराएका पाँच विद्याथी मध्ये तीन जनाको शव फेला परेको छ । थपको खोजी कार्य जारी छ ।
