काठमाडौं । त्रिभुवन विमानस्थल वरिपरी चङ्गा, ड्रोन र बेलुन उडाउन नपाइने भएको छ ।
नेपाल नागरिक उड्डयन प्राधिकरण अन्तर्गतको विमानस्थल नागरिक उड्डयन कार्यालयले विहीबार सूचना जारी गर्दै विमानस्थल आसपासमा चङ्गा, ड्रोन, बेलुन र नउडाउन र लेजर लाइट प्रयोग नगर्न भनेको हो । ती क्षेत्रमा लेजर लाइट समेत प्रयोग गर्न प्रतिबन्ध छ ।
दशैं नजिकिएसँगै चङ्गा उडाउने गरिएको छ । त्यसले हवाई सुरक्षामा गम्भीर असर पुग्नसक्ने अधिकारीहरुको भनाइ छ । त्यसैले सूचनाको पालना गर्दै हवाई जहाज उड्ने क्षेत्रमा चङ्गा, बेलुन वा ड्रोन नउडाउन भनिएको हो ।
साथै प्राधिकरणले अटेर गरी यस्ता काम गरेमा कानुनअनुसार कडा कारबाही गर्ने चेतावनीसमेत दिएको छ ।
