काठमाडौं । गुल्मीमा सुख्खा पहिरोमा परेर गोरु चराउन गएकी महिला बेपत्ता भएका छन् ।
जिल्लाको मालिका गाउँपालिका– २ सिम्ले निवासी ६९ वर्षकी टनी पुन बेपत्ता भएको प्रहरीले जनाएको छ । पुन जुल्सेस्थित मनकामना सामुदायिक वनमा गोरु चराउन गएकी थिइन् ।
सामुदायिक वनको ६ सय मिटर माथिबाट ठूलो सुख्खा पहिरो आएको थियो । उनी सोही पहिरोमा पुरिएको आशंकामा प्रहरीले खोजी गरिरहेको छ ।
प्रहरीले दुईवटा गोरु मृत अवस्थामा फेला पारेको छ ।
