काठमाडौं । जुवातास खेलेको आरोपमा सात जना पक्राउ परेका छन् । दक्षिणकाली नगरपालिका–३ पिखेलबाट प्रहरीले ७ जनालाई पक्राउ गरेको हो ।
पिखेलस्थित जनक केसीको घरमा जुवातास खेलिरहेको अवस्थामा सोही नगरपालिका–३ बस्ने ५१ वर्षीय दिपककुमार केसीसमेत ७ जनालाई शनिबार दिउँसो प्रहरीले पक्राउ गरेको हो ।
इलाका प्रहरी कार्यालय फर्पिङबाट खटिएको प्रहरीले उनीहरूलाई नगद ६० हजार ९ सय ५० रुपैयाँसहित पक्राउ गरेको हो ।
यस सम्बन्धमा थप आवश्यक अनुसन्धान गरिरहेको प्रहरीले जनाएकाे छ ।
