काठमाडौं । बझाङमा सेती नदीमा ट्याक्टर खसेको छ । ट्याक्टर नदीमा खस्दा त्यसमा सवार दुई जना बेपत्ता भएका छन् । जिल्ला प्रहरी कार्यालय, बझाङका अनुसार जयपृथ्वी राजमार्गअन्तर्गत दुर्गाथली गाउँपालिका-२, झननामा ट्याक्टर दुर्घटना भएको हो ।
प्रहरीका अनुसार ट्याक्टरमा चालकसहित ५ जना सवार थिए । तीन जनालाई सकुशल उद्धार गरेर स्वास्थ्य चौकी पुर्याइएको र बाँकी दुई जना सेती नदीमा बेपत्ता रहेकाे प्रहरीले जनाएकाे छ ।
ट्याक्टरको नम्बर र बेपत्ता दुई जनाको पहिचान हुन नसकेको प्रहरीले जनाएकाे छ ।
