काठमाडौं । सिन्धुपाल्चोकको बाह्रबिसे नगरपालिका–६ स्थित भोटेकोसी नदीमा गाडी खसेको छ । प्रहरीका अनुसार नदीमा बलोरेको आकार देखिएको छ । सिन्धुपाल्चोक प्रहरीका डीएसपी निरञ्जन भट्टराईले नदीमा बलेरोको आकार जस्तो देखिएकोले बलेरो खसेको आशंका गरिएको बताए ।
नदीमा बलेरो जस्तो आकार देखिएकाले बलेरो खसेको भन्ने भएको छ । क्रेन लगाएर निकाल्ने प्रयास गरिए पनि सफल भएकाे छैन । नदीमा बाढी आएकाले झन् समस्या भएको प्रहरीले जनाएकाे छ । सेना र प्रहरीको टोली घटनास्थलमा पुगेर गाडी निकाल्ने प्रयास गरिरहेको छ ।
तर, सो बलेरोमा कति मानिस थिए र कसको बलेरो हो भन्ने पनि खुलेको छैन । बलेरोको नम्बरसमेत खुलेको छैन ।
