काठमाडौं । राष्ट्रिय सभा अन्तर्गतको विधायन व्यवस्थापन समिति र सार्वजनिक नीति तथा प्रत्यायोजित विधायन समितिका सभापतिको निर्वाचन भदौ ३१ गते हुने भएको छ । राष्ट्रिय सभाका सचिव सुरेन्द्र अर्यालले समितिको निर्वाचन साेमबार गर्ने गरी कार्यतालिका सार्वजनिक गरेका हुन् ।
कार्यतालिका अनुसार भदौ ३० गते आइतबार उम्मेदवारी दर्ता सोही दिन १ बजे उम्मेदवारको सूची प्रकाशन गर्ने र भदौ ३१ गते १ बजे समितिको बैठकमा प्रस्तावकले प्रस्ताव प्रस्तुत गर्ने, समर्थकले समर्थन गर्ने र प्रस्तावलाई निर्णयार्थ प्रस्तुत गर्ने कार्यक्रम रहेको छ ।
