काठमाडौं । जाजरकोटमा पहिरो जाँदा घरसँगै पुरिएर एक दम्पतिको मृत्यु भएको छ । जाजरकोटको बारेकोट गाउँपालिका–६ धुमामा खसेको पहिरोमा पुरिएर बारेकोट गाउँपालिका–६ की वडा सदस्य प्रेमकुमारी र उनका श्रीमान् मानबहादुर चलाउनेकाे मृत्यु भएकाे हाे ।
आइतबार बिहान २:५० बजे जाजरकोटको बारेकोट गाउँपालिका-६ तल्लो धुममा मानबहादुर चलाउनेको घर पहिरोले पुरिएको थियो । प्रहरी टोली र स्थानीयले चलाउने र उनकी श्रीमती ३८ वर्षीया प्रेमकुमारी चलाउनेलाई मृत अवस्थामा पहिरोबाट निकालेका हुन् ।
प्रेमकुमारी वडासदस्य समेत हुन् । शनिबार बेलुकादेखिको वर्षाका कारण आएको पहिरोले चार जना सुतिरहेको घर पुरेको थियो । पहिरोले घर पुर्न थालेपछि मानबहादुरका दाइकी छोरी १६ वर्षीया विमला चलाउने भने सकुशल घरबाट निस्कन सफल भएकी थिइन् ।
